"ഞാൻ ജീവിച്ചിരിക്കുന്നു" 

എനിക്കു തിരിച്ചു വരണം ...
മരണമുഖത്തു  നിന്നും തിരിച്ചു വരണം ...
ജനന- മരണത്തിന്റെ
ജന്മാന്തര കണക്കുകൾക്കപ്പുറത്തു നിന്നും
ഓർമകളിലേക്ക് എനിക്ക് തിരിച്ചു വരണം ....
വരണ്ട രാത്രികളിൽ
മഴ പെയ്യിക്കണം
നിലച്ച ഹൃദയങ്ങളിൽ
ചേക്കേറണം.
വറ്റിയ നിലത്തു
നിളയായി ഒഴുകണം
നിന്റെ മുടിച്ചുരുളിൽ
കൈകൾ  കൊണ്ട് തലോടണം
നിന്റെ കഴുത്തിൽ
മതി വരോളം ചുംബിക്കണം ...
ഭ്രാന്തമായി പൊട്ടിച്ചിരിക്കണം ....
...ആർത്തട്ടഹസിക്കണം ...
ഈ ലോകത്തോട്‌ വിളിച്ചു പറയണം ....
" ഞാൻ ജീവിച്ചിരിക്കുന്നു....."

സുജിത്ത് 2016 

രണ്ടു മാസത്തെ ഇടവേളയ്ക്കു ശേഷമാണു അക്ഷരങ്ങളുടെ ലോകത്തേക്ക്  വീണ്ടുമെത്തുന്നത് . ആശയ ദാരിദ്ര്യമോ വാക്കുകളുടെ ക്ഷാമമോ ഒന്നുമായിരുന്നില്ല ഒരു തരം ശൂന്യത മനസ്സിൽ നിറഞ്ഞതായിരുന്നു കാരണം ..വീണ്ടും എത്തുമ്പോൾ എവിടെയോ കണ്ടു മറഞ്ഞ വാക്കുകൾക്ക് ഞൻ കടപ്പാട് വെക്കുന്നു..."എല്ലാം അവസാനിച്ചു എന്ന് കരുതിയെടുത്ത്  വീണ്ടും  തുടങ്ങണം ...അതാണ്  യഥാർത്ഥ  തുടക്കം..."  

സുജിത്ത്  2016